Salthússmarkaðurinn
Ég ætla að plögga þorpinu mínu, Stöðvarfirði eða markaðnum sem er þar í fyrrum salthúsi og er kallaður Salthússmarkaðurinn. Þar má kaupa allan andskotann; mat, handverk, list, föt; alveg helling af flottu dóti.
En þetta er ekki bara markaður. Í stórum sal hefur verið komið upp ljósmyndasýningu og inn í gömlu saltgeymslunni rúllar myndband af því hvernig saltfiskur verður til. Allt frá því fiskur er dreginn úr sjó og í gegnum vinnsluferlið og borinn fram á diski. Sniðugt.
Ef þið eigið leið um Stöðvarfjörð og eruð búin að fara í Steinasafnið, endilega kíkið á Salthússmarkaðinn (þið þekkið hann á fánaborginni).
Restið svo í kaffi á Brekkunni.
Athugasemdir (6)
Hehe já sennilega...en í fullri alvöru, ég veit að þú ert búinn að kynna þér þetta og ert eftir það alveg harður á því að við eigum að ganga í Evrópusambandið, hvernig gengur löndum eins og Möltu og þjóðum sem hefðu svona svipað vægi og við að koma sinni skoðun á framfæri og fá einhverju ráðið um það hvernig hlutunum er komið fyrir ?
Ef þú vilt koma með svona samlíkingar, gætum við sagt að núna sé Ísland Dritvík Evrópu.
Smá spurning handa þér...Stöðvarfjörður gleymdist af yfirvöldum Fjarðabyggðar við sameininguna...ég fæ alltaf á tilfinninguna að Ísland verði Stöðvarfjörður Evrópu ef við göngum í Evrópusambandið, hvaða skoðun hefur þú á því ?
Biðst þúsund sinnum afsökunar. Það er ófyrirgefanlegt að gleyma Gallerí Snærós.
Þú mátt ekki gleyma Gallerí Snærós....... Þar er líka gott að droppa við.
Ég held að Maltverjar uni hag sínum vel í ESB. Þeir koma skoðunum sínum á framfæri vandræðalaust og þeirra sérfræðingar gegna valdamiklum stöðum í sambandinu. T.d. er yfirmaður sjávarútvegsmála frá Möltu.