Læknislaust í faraldri
Hérna á hinum afskekkta Stöðvarfirði höfum við ekki séð lækni í eina viku. Ég veit um fólk sem liggur sárlasið heimavið og hefur verið rúmfast í nokkra daga og það bíður eftir símtali þess efnis að það geti hitt lækni á Eskifirði eða Reyðarfirði eða Fáskrúðsfirði eða einhversstaðar annarsstaðar einhverntíman bráðum.
Vonandi.
Hvernig væri nú ef Heilbrigðisstofnun Austurlands bryti odd af oflæti sínu og byði hinum brottvikna en marghreinsaða Hannesi lækni starfið sitt aftur og þar með myndi fjöldi lækna í Fjarðabyggð tvöfaldast.
Ég ætla ekki að taka afstöðu í máli HSA og Hannesar því ég þekki ekki málavöxtu; mér þætti bara vænt um það ef læknum á svæðinu myndi fjölga á meðan lífshættulegur faraldur gengur yfir og Hannes er góður og vel liðinn læknir. Af sjúklingum alla vega.
Koma svo strákar!
