Aðgerðir
Þann 1. september næstkomandi á að þjóðnýta allar fiskveiðiheimildir í landinu og gefa svo fiskveiðar nokkurnveginn frjálsar. Setja takmörk fyrir því hvað veiðarfæri má brúka hvar og hvenær en öllum á að vera frjálst að róa til fiskjar og selja aflann hæstbjóðanda, innanlands eða utan.
Það á að fresta öllum meiriháttar samgönguframkvæmdum; Norðfjarðargöngum, Bakkafjöruhöfn og Héðinsfjarðargöngum svo ég nefni dæmi. Allt í lagi sosem að klára Bolungarvíkurgöng því þau leysa af hólmi lífshættulegan veg.
Aldrei þessu vant er ég sammála Kára Stefánssyni og vil að tónlistarhúsið verði sett á salt í bili og ef endilega þarf að byggja eitthvað, ættu það að vera öldrunar - og eða sjúkarstofnanir um allt land.
Það má ekki skerða kjör öryrkja eða aldraðra um einn eyri, heldur á að hækka skatta á alla sem hafa meira en 300.000 krónur í laun.
Um leið á að handtaka allt útrásarliðið og hirða eigur þess upp í skuldir, lækka vexti niður fyrir 5%, samþykkja IceSave samkomulagið og endurskoða samstarfið við Alþjóða gjaldeyrissjóðinn.
Það finnst mér.
Athugasemdir (7)
Lífið er greinilega dásamlega einfalt á Stöðvarfirði.
Rétt upp hendi sem vilja Björgvin sem einræðisherra. Ekki kannski fyrirmyndar tilhögun, enn hlutirnir kæmust þó í verk!
Ég hef ekki gáð Magni, en ef þú leggur músarbendilinn yfir klukkuna í hægra horninu neðst, sérðu það.
Er eitthvað verra að hafa föstudag alla daga en sunnudag?
Það er ekki föstudagur er það ?
og hvar er Samfylkingin? Ekki þorðu þeir að taka á þessu meðan Geir gunga var í forsvari með þeim og nú er Samfylkingin í forsvari og ekkert gerist...engar handtökur!
Ekki jafn einfalt og ályktunarhæfni þín.